წარმოიდგინეთ სიტუაცია: დილით სამსახურში გაგვიანდებათ, მანქანაში ჯდებით, გასაღებს ატრიალებთ და… სიჩუმე. აკუმულატორი დაჯდა. ეს ნებისმიერ მძღოლს შეიძლება დაემართოს, სულ ახალი ავტომობილითაც კი.
სწორედ აქ შემოდის თამაშში დამქოქი (იგივე ჯამფ სტარტერი).
რატომ გჭირდება?
მთავარი პასუხი ერთია: დამოუკიდებლობა.
ადრე, დამჯდარი აკუმულატორის შემთხვევაში, ორი გზა არსებობდა: ან მეზობელს უნდა შეხვეწებოდით „პერემიჩკით“ დახმარებას, ან ტაქსი გამოგეძახათ. დამქოქით კი თქვენ არავისზე ხართ დამოკიდებული. უბრალოდ აერთებთ კაბელებს, აჭერთ ღილაკს და მანქანა წამებში იქოქება.
როდის არის დამქოქი აუცილებელი?
ზამთარში: დაბალი ტემპერატურა აკუმულატორის მტერია. ყინვაში ძველი (და ზოგჯერ ახალიც) აკუმულატორი ხშირად კარგავს სასტარტერო ძალას.
თუ შუქი დაგრჩათ ჩართული: ადამიანური შეცდომა ყველას მოსდის. ღამით დარჩენილი ფარები ან სალონის განათება დილისთვის აკუმულატორს სრულად დაცლის.
მგზავრობისას: თუ ქალაქგარეთ ხართ, ბუნებაში ან ტრასაზე, სადაც სხვა მანქანები იშვიათად მოძრაობენ, დამქოქი გადარჩენის ტოლფასია.
სმარტფონის დასატენად: თანამედროვე დამქოქები (მაგალითად NOCO) ასევე ძლიერი Power Bank-ებია, რომლითაც ტელეფონს და ლეპტოპსაც კი დატენით.
შეჯამება: დამქოქი არ არის უბრალოდ აქსესუარი, ეს არის მშვიდი მგზავრობის გარანტია. ის ერთხელ ყიდვისას ინვესტიციაა, რომელსაც კრიტიკულ მომენტში თქვენი დროის და ნერვების გადარჩენა შეუძლია.